Најмалку 30 лица загинаа изминатите денови во поплавите во северен Мозамбик, соопштија властите во африканската земја.
Во поплавите загинаа жители на северната провинција Нампула, каде се разурнати над две илјади домови. Илјадници семејства останале без покрив над главата и тие привремено се населени во кампови за бегалци. Властите во Нампула ги евакуираат жителите од регионите, на кои им се закануваат поплавите.
Од почетокот на дождовната сеозна во октомври во поплавите во јужен Мозамбик загинаа 105 лица.
Претставници на хидроенергетскиот комплекс Кабора Баса изјавија дека во секој момент може да биде прекинат дотокот на струја за Јужна Африка.