Најмалку 25 лица загинаа, а околу 60 други се ранети денеска при експлозија на автомобил-бомба пред банка во авганистанската провинција Хелманд, јави Би-Би-Си.
Ескплозијата одекнала додека вработени од граѓанскиот сектор и војската чекале во ред.
Нападот е изведен околу пладне по локално време пред „Новата банка на Кабул”.
Засега никој не презеде одговорност за нападот, што се случува во време кога талибанците најавија „посилна пролетна офанзива“.