Најмалку 18 лица, меѓу кои седум деца, загинаа во лизгање на земјиштето и поплавите предизвикани од обилните дождови во бразилската држава Сао Паоло, соопштија безбедносни извори.
Countryside Sao Paulo state, #Brazil Flooding in many areas after torrential rains. Footage by Globo TV #Weather #agriculture #sugar pic.twitter.com/SgheEecVWE
— Marcelo Teixeira (@tx_marcelo) January 31, 2022
Според властите во Сао Паоло, во катастрофалното невреме од изминатиот викенд во оваа држава уште девет лица се повредени, а пет се водат за исчезнати, додека околу 500 семејства останале без покрив над главата, пренесуваат британските медиуми.
Гувернерот на Сао Паоло, Жоао Дорија, вчера ги посети поплавените подрачја и соопшти дека одобрил 15 милиони реали (околу 2,8 милиони американски долари) за итна помош за загрозените градови.
Обилните дождови уште во декември предизвикаа смртоносни поплави во североисточниот дел на Бразил, заканувајќи се со одложување на жетвата на Средниот запад и накратко да ги запрат рударските операции во државата Минас Жераис.
Извор: МИА