Најмалку 18 лица, вклучувајќи едно дете, се повредени во рускиот воздушен напад врз Запорожје, објави денес началникот на воената администрација на регионот Запорожје, Иван Федоров.
🚨 BREAKING: At least 18 people were injured after a Russian bomb struck an apartment building in Zaporizhzhia. pic.twitter.com/zxfjEroNeV
— UNITED24 Media (@United24media) July 23, 2026
„За среќа, информациите за луѓе под урнатините сè уште не се потврдени. Сепак, 18 лица веќе побарале медицинска помош“, рече Федоров, пренесува Укринформ.
Според Федоров, руските сили извршиле воздушен напад врз цивилни објекти во Запорожје сред бел ден, на три локации. Според првичните информации, оштетени се станбени згради и медицински установи.
– Непријателот погодил голем број објекти со воздушен напад и ги уништил. Подготвени се дополнителни кревети во медицинските установи во случај на нови напади, рече Федоров.
Тој додаде дека, покрај станбените објекти, оштетен е и приватен медицински објект.
– Непријателот фрлил пет КАБ бомби врз станбени области кон крајот на работниот ден, знаејќи точно дека ќе бидат погодени цивили, рече началникот на регионот Запорожје.
Претходно беше објавено дека руската армија го нападнала центарот на градот и дека се слушнале околу шест експлозии.