Надојдената Сава не ја загрозува работата на нуклеарната централа „Кршко“ и ситуацијата е стабилна и под контрола, објави словенечката управа за нуклеарна безбедност, откако надлежните од електраната соопштија дека забележале „невообичаена појава“.
Томаж Немец, раководител на Управата за вонредни состојби, за СТА потврди дека нуклеарната централа „Кршко“ работи безбедно и стабилно.
– Протокот на Сава се уште не е толку голем за да може да биде закана за „Кршко“, рече тој и додаде дека реката треба да почне да се смирува по полноќ.