Најмалку 91 лице загинаа, а околу 110 се водат како исчезнати при поплави и повеќе одрони на земјиште во Шри Ланка, предизвикани од поројните монсунски дождови.
Како што соопштија властите на Шри Ланка, поради елементарните непогоди околи 20.000 лица биле принудени да ги напуштат своите домови во јужните и западните делови на оваа островска земја во Индискиот Океан.
Владата во Коломбо веќе побара помош од ОН и соседните земји во справувањето со последиците од полавите и свлечиштата.