Повеќе од 37.000 лица заразени од вирусот зика, меѓу кои се над 6.300 бремени жени, се потврдени во Колумбија, соопшти Националниот здравствен институт.
Јужноамериканската земја е на второ место во светот по овој показател, веднаш по Бразил.
До 13 февруари во Колумбија се регистрирани вкупно 37.011 случаи на заразени луѓе, а меѓу нив се 6.356 бремени жени.
Само во последната недела, која е опфатена со статистиката, биле регистрирани околу 5.500 нови случаи на зараза.
Властите во Колумбија оваа година очекуваат над 600.000 случаи заразени луѓе и околу 500 на микроцефалија. Во Бразил веќе се регистрирани повеќе од 1,5 милиони случаи.
Светската здравствена организација предупреди дека вирусот е проширен во цела Америка, без Канада и Чиле.