За нов претседател на Индонезија, на изборите што ќе одржат утре, право да одлучуваат имаат 190,2 милиони гласачи. Оваа бројка, официјално потврдена од Централната изборна комисија, е за 2,43 милиони поголема од бројот на гласачите што имаа право на глас во парламентарните избори, одржани токму пред три месеци.
Се очекува мошне голема излезност на индонезиските гласачи, особено поради тоа што шансите на двајцата кандидати Јоко Видодо и Прабово Субианто се речиси изедначени.
Индонезиските медиуми пишуваат дека нацијата никогаш, по укинувањето на диктатурата на Сухарто во 1998 година, не била толку поделена.
Поради вжештената предизборна атмосфера, а особено дека, во случај на тесен резултат меѓу ривалите, може да дојде до судири меѓу приврзаниците на двајцата кандидати, на степен на зголемена готовност се полицијата и армијата во Индонезија. За одржување на мирот, само во главниот град Џакарта, ќе се грижат над 30.000 полицајци, а ако има потреба нив ќе им помагаат и војници.