Над 160 лица биле убиени во битката меѓу армијата на Јужен Судан и бунтовниците во источната држава Џонглеј, соопшти официјален преставник, цитиран од британските медиуми.
Претходно овој месец, армијата на оваа африканска држава презеде офанзива против бунтовниците, предводени од Дејвид Јау Јау во Џонглеј, каде владата се надева да почне истражувања за нафта со помош на француската компанија Тотал.
Откако се здоби со независност од Судан, во јули 2011 година, Јужен Судан се обидува да ја наметне својата власт над големи делови земја.
Портпаролот на армијата Филип Агуер изјави дека неговите сили убиле 143 борци од милицијата на Јау Јау во битката во вторникот, источно од градот Пибор.
Во неа загинале и дваесет војници, а 70 лица биле ранети.