Најмалку 155 лица загинаа во поплавите предизвикани од поројните дождови што последните денови ги зафатија Пакистан и Авганистан.
Во Пакистан дождовите предизвикаа лизгање на земјиштето, а поради поплавите евакуирани се повеќе од 81.000 луѓе. Во последните четири денови во невремето загинаа најмалку 80 луѓе.
Пакистан за време на монсуската сезона, која обично трае во текот на јули и август, е зафатен од поплави.
Во 2010 година дури една петтина од територијата на Пакистан беше под вода, при што загинаа 1.700 лица, а најмалку 20 милиони беа погодени од поплавите.
Во соседен Авганистан во поројните дождови загинаа над 75 луѓе во пет провинции.