Повеќе од 100 Курди протестираа синоќа на аеродромот во Брисел, барајќи од меѓународната заедница да испрати воена и хуманитарна помош за сирискиот град Кобане, кој е нападнат од џихадистите на Исламска држава (ИД).
Протестот минал мирно, а демонстрантите го обвиниле турскиот претседател Реџеп Тајип Ердоган дека и помага на ИД.
Слични протести вчера се одржаa и на аеродромите во Лион и Париз, како и во зградата на Парламентот во Хаг. Собири на Курдите биле организирани, исто така, и во Германија, Шведска и Данска.