Руската служба за вонредни состојби соопшти дека во тек е операцијата на чистење, откако еден од нафтените танкери се насукал на далечниот исток на Русија, при што е оштетен еден од резервоарите за гориво.
Танкерот „Надежда“, кој превезувал 786 тони гориво, удрил во гребен за време на бурата вчера во близина на пристанишниот град Невелска, на островот Сахалин.
Количината на излеаната нафта и размерите на евентуалната штета по животната средина засега не се познати.
Во тек е операција на собирање на излеаната нафта, како и на контаминираното земјиште по должина на брегот, додека нафтата која се наоѓа во бродот се префрлува во други танкери, наведено е од службата за вонредни состојби.
Островот Сахалин, сместен во северниот Пацифик, северно од Јапонија, е главен произведувач на нафта и природен гас.