На референдумот во Еквадор граѓаните со големо мнозинство се изјаснија за заострување на безбедносните мерки поради зголеменото насилство од криминалните групи во таа земја.
Претседателката на Националниот изборен совет, Дијана Атамаинт, објави дека граѓаните на Еквадор гласале за сите безбедносни мерки, и дека отфрлиле два контроверзни економски предлози, пренесува АП.
„Ја одбранивме земјата. Сега ќе ги имаме потребните алатки за борба против криминалците и за враќање на мирот на семејствата на Еквадор“, напиша еквадорскиот претседател Даниел Нобоа на социјалните мрежи.