Израел ги снемува пресретнувачите на балистички ракети „Arrow“, што предизвикува загриженост за способноста на земјата да се спротивстави на балистичките ракети со долг дострел од Иран доколку конфликтот не заврши наскоро, дознава „Волстрит џурнал“ од извори во Вашингтон.
Соединетите Американски Држави се свесни за проблемите со капацитетот со месеци, рече функционерот, а Вашингтон ја зајакнува одбраната на Израел со системи на копно, на море и во воздух. Од ескалацијата на конфликтот во јуни, Пентагон испрати дополнителни средства за ракетна одбрана во регионот, а сега постојат загрижености дека Соединетите Американски Држави би можеле да останат без пресретнувачи.
„Ниту Соединетите Американски Држави ниту Израелците не можат да седат цел ден и да пресретнуваат ракети“, рече Том Карако, директор на Проектот за ракетна одбрана во Центарот за стратешки и меѓународни студии.
„Израелците и нивните сојузници мора да преземат каква било акција што е потребна што е можно побрзо, бидејќи не можеме само да чекаме и да реагираме“, додаде тој.
„Israel Aerospace Industries“, компанијата што ги произведува пресретнувачите „Arrow“, не одговори на барањата за коментар од „Волстрит џурнал“. Израелските одбранбени сили (ИДФ) соопштија дека се „подготвени и способни да се справат со секаков сценарио“.