Многунајавуваната украинска „контра-офанзива“ во Херсон „пропадна“, соопшти руското Министерство за одбрана.
Украинските сили се обидоа да нападнат во три правци по наредба на претседателот Володимир Зеленски, но не успеаја, соопшти Москва.
Пропадна уште еден обид на непријателот во офанзивни дејствија“, беше соопштено.
Украинскиот весник „Суспилна“ претходно денеска ја цитираше портпаролката на Јужната команда Наталија Хуменјук дека започнале „офанзивни акции во различни правци“, „вклучително и во регионот Херсон“.
Таа, сепак, не понуди детали, само рече дека „за секоја воена операција треба да се молчи“.
Сепак, до понеделник вечер, Генералштабот на вооружените сили на Украина го спомна само рускиот напад кај селото Потемкино.
Цело лето Киев зборуваше за „контраофанзива во Херсон“, додека бараше повеќе оружје и муниција од своите западни поддржувачи.
Во видео обраќањето до нацијата во неделата, Зеленски вети дека „Украина ќе се врати“ во Донбас – како и во Харков, Запорожје, Херсон и „дефинитивно на Крим“.