Портпаролот на Кремљ, Дмитриј Песков, денеска изјави дека процесот на усогласување на текстот на меморандумот за мир и прекин на огнот ќе биде комплициран и за Москва и за Киев и дека затоа не може да има фиксен рок.
„Нема рокови и не може да има. Јасно е дека сите сакаат да го направат ова што е можно побрзо, но, секако, ѓаволот е во деталите“, изјави Песков за новинарите, цитиран од државната новинска агенција РИА.
– Нацртите ќе бидат изготвени од руската и украинската страна, овие нацрт-документи ќе бидат разменети, а потоа ќе се одржат сложени контакти за да се развие унифициран текст, рече портпаролот на Кремљ.