Неколку маскирани напаѓачи нападнале полицајци со молотови коктели и други предмети, на парадата против мировниот договор склучен на Велики петок 1998 година, соопшти полицијата, еден ден пред посетата на американскиот претседател Џо Бајден на Белфаст.
Фотограф на Ројтерс прикажа четворица млади во Криган, претежно националистичка област, како ги фрлаат овие домашно направени бомби врз оклопните полициски возила. Полицијата соопшти дека нема повредени и повика на смиреност.
„Нашите полицајци беа нападнати во Креган со молотови коктели и други предмети фрлени врз нивното возило… Засега нема повредени“, соопшти полицијата.
Денеска се навршуваат 25 години од потпишувањето на мировниот договор од Велики петок, со кој во голема мера заврши тридецениското насилство во Северна Ирска. Малите групи кои се противат на мирот продолжуваат да предизвикуваат спорадично насилство.