Парламентот на Молдавија го ратификуваше денеска трговскиот договор со Европската унија, на кој се противеше Русија.
Собранието со 59 гласови „за“ и четири „против“ го ратификуваше Догвоорот за асоцијација со ЕУ, кој во петокот во Брисел го потпиша премиерот Лурие Леанча.
Промосковските комунисти кои во Парламентот на Молдавија имаат 38 места не гласаа и претходно ја напуштија зградта на парламентот.
Претседателот на државата Николае Тимофти нагласи дека „следен чекор ќе биде барање и добивање рок за влез во ЕУ“.