Велика Британија размислува да ги испрати своите главни борбени тенкови Челинџер 2 во вооружените сили на Украина за прв пат.
Станува збор за тенкови кои биле користени и во Босна и Херцеговина и за време на војната во Ирак во 2003 година, открива изворот на „Скај њуз“.
Очигледно станува збор за вкупно 10 оклопни возила, што е доволно за опремување на ескадрила.
Дискусиите за тоа се водат со недели, но владата на Риши Сунак се уште нема донесено конечна одлука, пренесува Раша тудеј Балкан.
Ако Обединетото Кралство одобри таква испорака, ќе стане првата нација што ќе одговори на молбите на украинските лидери за опремување на украинската војска со моќни западни тенкови.
Групата што обезбедува воена поддршка на Украина, која се состои од околу 50 нации предводени од САД, вклучително и Велика Британија, треба да го одржи следниот состанок на 20 јануари, а најавите за испраќање нова помош, како што се тенкови, може да се слушнат токму тогаш.
Ова, како што толкува изворот на „Скај њуз“, само по себе не би ја „променило играта“, туку наводно ќе го скрши мразот и ќе ја отстрани бариерата што досега ги спречуваше сојузниците на Украинците да им понудат западни тенкови, за страв дека потегот ќе доведе до прекумерна ескалација.