Високиот претставник на ЕУ за безбедносна и надворешна политика Федерика Могерини на палестинскиот претседател Мамуд Абас му порачала дека статусот на Ерусалим како главен град и на Израел и на идната палестинска држава мора да биде решен преку пореговори меѓу двете страни.
Во телефонскиот разговор, Могерини повикала на воздржаност од каква и да е реакција на најавата за преместување на американската амбасада од Тел Авив во Ерусалим.
Претседателот Абас ја прифатил поканата да се придружи на средбата со европските министри за надворешни работи во јануари.