Германскиот канцелар Ангела Меркел изјави дека нема место во општеството за прекумерни плати на бизнис лидери и изрази поддршка за европските напори во ограничување на банкарските бонуси.
Меркел во изјава за германски медиуми вели дека е „многу добро“ што Европската комисија осмислува предлози со кои акционерите, а не само директорите ќе добијат право да одлучуваат за платите на водечките менаџери.
– Не смее да има неумереност во слободното општество, заради тоа поддржувам планови на ЕУ да ограничи понекогаш исклучително високи плати во финансиската индустрија, изјави Меркел.