Германскиот канцелар Ангела Меркел денеска најави дека има намера да остане на чело на Владата на Германија и во следните четири години, доколку нејзината Христијанско демократска унија победи на септемвриските парламентарни избори.
Со ваквата изјава Меркел ги демантираше написите во некои германски медиуми дека има намера да се повлече од политиката во 2015 година.
– Сакам да остане сегашната десноцентристичка коалиција и сакам да работам за нашата земја и нејзиниот народ како канцелар во текот на целиот мандат, изјави Меркел.