Идниот германски канцелар Фридрих Мерц се обидува да добие поддршка од Зелените за предложените измени на законот за ограничување на долгот, нудејќи да го прошири опсегот на трошоците за одбраната за да ги вклучи цивилната одбрана и разузнавањето.
Конзервативците и социјалдемократите на Мерц се обидуваат да ги убедат Зелените да ги усвојат неопходните уставни амандмани пред да се состане новиот долен дом на Бундестагот кон крајот на овој месец, по што ќе биде потешко да се постигне мнозинство, објави Ројтерс.
– Треба да направиме нешто за да ги подобриме нашите одбранбени способности и тоа брзо, рече Мерц, оправдувајќи ја потребата да се дејствува сега наместо да чекаме новиот Бундестаг да застане на нозе.