Германскиот канцелар Фридрих Мерц денес изјави дека делови од новата безбедносна стратегија на САД се „неприфатливи“ за европските земји.
Во својата нова безбедносна стратегија, американската влада ја осудува наводната „цензура на слободата на говорот и потиснувањето на политичката опозиција“ во Европа и ветува поддршка за десничарските популистички сили, а воедно ја повикува Европа да стави крај на „масовната имиграција“.
– Нешто од ова е неприфатливо за нас од европска перспектива. Не гледам потреба Американците сега да сакаат да ја спасат демократијата во Европа, рече Мерц во Мајнц, зборувајќи за безбедносната стратегија на Вашингтон, објави Шпигел.