Американскиот претседател Доналд Трамп им нареди на американските воени команданти да изготват план за инвазија на Гренланд, но високи воени функционери се спротивставуваат на тоа, објави „Мејл он Сандеј“, повикувајќи се на извори.
Изворите велат дека политичките „јастреби“ на американскиот претседател, предводени од политичкиот советник Стивен Милер, се толку охрабрени од успехот на операцијата за заробување на венецуелскиот претседател Николас Мадуро што сакаат брзо да дејствуваат за да го освојат Гренланд пред Русија или Кина да преземат потези на арктичкиот остров.
Според изворите, Трамп побарал од Заедничката команда за специјални операции (JSOC) да подготви план за инвазија на Гренланд, но командантите се спротивставуваат на ова, тврдејќи дека тоа би било нелегално и дека Конгресот нема да поддржи таков план.
Британските дипломати веруваат дека Трамп е мотивиран и од желбата да ги одвлече американските гласачи од перформансите на американската економија пред среднорочните избори подоцна оваа година, по што би можел да ја изгуби контролата врз Конгресот во корист на демократите.
Но, таков драматичен потег би го довел Трамп во конфликт со британскиот премиер Кир Стармер и ефикасно би довел до колапс на НАТО, објавува „Мејл“.