Британската премиерка Тереза Меј нагласи синоќа дека Британија по излегувањето од Европската унија нема да го заврти грбот кон светот и сака да остане во фокусот на меѓународната политика.
– Кога британскиот народ гласаше за излегување од ЕУ тие не гласаа за свртување кон себе ниту за дистанцирање од нашите партнери во светот, наведе Меј во своето обраќање на ГС на ОН.
Според неа, Британија ќе биде отворена за светот и глобален партнер во средиштето на меѓународните напори за да обезбеди мир и просперитет на сите луѓе.
Меј додаде дека Лондон ќе ја зголеми својата безбедносна поддршка за Сомалија во борбата против екстремистите од Ал Шабаб.