Главната обвинителка од Меѓународниот кривичен суд, Фату Бенсуда вели дека либиската влада мора да му го предаде на судот синот на отповиканиот и убиениот лидер, Моамер Гадафи.
Таа во своето обраќање до Советот за безбедност при ОН рече дека постои сериозна загриженост, поради тоа што Либија веднаш не го предала Сеиф Ал Ислами Гадафи на Меѓународниот кривичен суд, во рамки на минатогодишната одлука дека мора да му се суди во Хаг за злосторства против човештвото.
Минатиот месец Ал Ислами од Зинатан, каде што беше заробен уште во ноември 2011 година, по пат на видео линк се појави на судењето во Триполи. Истовремено започна и судењето на другиот син на Гадафи, Сади, како и на група од дваесетина поранешни функционери на Гадафи.
Е. Г.