Заменик-претседателот на рускиот Совет за национална безбедност Дмитриј Медведев денес го обвини американскиот претседател Доналд Трамп дека „по стоти пат ѝ се заканува на Русија“.
„Трамп рече – ако рускиот претседател не го реши украинскиот конфликт, тоа ќе заврши лошо за него. Накратко, тој се заканува по стоти пат. Ако овој бизнисмен-миротворец мисли на Томахавките, тогаш се изразил неправилно. Испораката на овие ракети може да заврши лошо за сите. А пред сè за самиот Трамп“, објави Медведев на својот Телеграм канал.