Лидерот на партијата „Единствена Русија“ и заменик-шеф на Советот за безбедност на Руската Федерација, Дмитриј Медведев, денес изјави дека федералниот буџет на Русија сè уште има карактер на буџет во време на војна.
„Буџетот никогаш не е едноставен, а сега, да бидеме искрени, тоа е воен буџет“, рече Медведев, говорејќи на состанокот со пратениците на „Единствена Русија“ за подготовката на нацрт-буџетот за следната година, пренесува ТАСС.
Медведев оцени дека решавањето на поставените задачи во социјалната и другите сфери бара „избалансирани решенија што ги земаат предвид буџетските можности“.