Израелскиот премиер Бенјамин Нетанјаху им наредил на помошниците да ги информираат семејствата на заложниците дека лидерот на Хамас, Јахја Синвар е мртов, јавува израелскиот Канал 12.
Здружението на семејства на заложници претходно денеска ја повика израелската влада да го искористи веројатното убиство на Синвар за да обезбеди итен договор за заложниците.
Тајмс оф Израел цитираше неименуван израелски функционер дека Синвар бил убиен во напад на зграда во Рафах, во јужниот дел на Појасот Газа.
Во исто време, Хамас предупреди на „лажни вести“, наведувајќи дека официјалните изјави на оваа милитантна група се објавуваат само на каналот Телеграм или веб-страницата.
Израел ја истражува можноста палестинскиот лидер на Хамас Јахја Синвар да е убиен во напад на израелската армија во Газа, а неименуван висок израелски функционер вели дека е голема веројатноста тој да е убиен.