Медицинската сестра, Кејси Хикокс од Њу Џерси, која беше во каранин поради сомнежот дека е заразена со ебола, планира да покрене тужба против сојузните власти во САД.
Таа смета дека тоа претставува прекршување на нејзините човекови права, соопшти нејзиниот адвокат Норман Зигел и додаде дека се покренуваат сериозни прашања поврзани со уставната и граѓанска слобода.
Зигел не негира дека владата под одредени услови има право да одреди карантин, но во случајот со Кејси тој смета дека тоа право „широко е применето“.
Инаку како што пренесуваа медиумите таа немала симптоми на ебола и нејзините тестови биле негативни. Властите и одредиле изолација, бидејќи се вратила од Западна Африка, каде што помагала во лекување на ебола.
Е. Г.