Американскиот милијардер претприемач Илон Маск, кој го предводи американското Министерство за ефикасност на владата (DOGE), ја пофали компетентноста на рускиот министер за надворешни работи Сергеј Лавров и помошникот на Кремљ, Јуриј Ушаков.
„Вака изгледа компетентното раководство“, напиша Маск на социјалната мрежа Твитер, коментирајќи го доаѓањето на руска делегација во Саудиска Арабија на разговори со американската делегација.
This is what competent leadership looks like https://t.co/frZrdhsEzZ
— Elon Musk (@elonmusk) February 17, 2025
Видеото што го сподели Маск го снимија државните медиуми РИА Новости и ВГТРК. И матичната агенција на РИА Новости, Rossiya Segodnya, и VGTRK се под санкции на САД.
Во моментов во Ријад се одржува средба на американската и руската делегација за војната во Украина и можното воспоставување мир. Во тек се подготовките и за средбата меѓу Доналд Трамп и Владимир Путин.