Илон Маск повторно ја коментираше војната во Украина, тврдејќи дека украинската армија ќе пропадне без неговиот систем Старлинк и се залага за итен прекин на конфликтот.
„Буквално го предизвикав Путин на физичка пресметка еден на еден околу Украина, а мојот систем Старлинк е столбот на украинската војска. Целата нивна линија на фронтот ќе се урне ако го исклучам“, напиша Маск на X.
Маск истакна дека е ужаснат од годините на крвопролевање во војна во која Украина на крајот нема да може да победи.
Маск нагласи дека секој што навистина се грижи, размислува и ја разбира ситуацијата треба да бара крај на војната.
„Секој кој навистина се грижи, навистина мисли и навистина разбира, сака да престане оваа мелница за месо. МИР СЕГА!!“, напиша тој на „Х“.