Во вооружен напад на стриптиз бар во Мексико, убиени се најмалку 15 лица, а четири се повредени, соопшти тамошното државно обвинителство.
„Петнаесет лица го загубија животот“, изјави за „АФП“, Хуан Хозе Мартинез, портпаролот на обвинителството во земјата.
Според првичните информации, неколку вооружани лица дошле пред барот „Ла плаја“ и отвориле оган врз посетителите и вработените, по што побегнале од местото.
Причините за нападот засега се непознати.
Деновиве во земјата почна голема полициска акција против моќни криминални групи специјализирани за кражба на гориво, но засега не е утврдена поврзаностa со нив.
Мексико лани забележа рекордна стапка на насилство, со 33.341 убиства, што е најголем број од почетокот на водењето на статистиките од 1997 година.