Четириесет и шестгодишен неименуван маж, во семејна куќа во Дагласвил предградие на Атланта, ја убил својата поранешна сопруга, нејзиното момче и четири свои деца, додека две успеале да преживеат. По крвавиот поход, напаѓачот си пресудил и себе си, а локалната полиција за сега само потврдила дека меѓу жртвите е едно седумгодишно дете.
Очевидците на страотниот настан изјавиле дека напаѓачот во вечерните часови со автомобил дошол до куќата, уредно го паркирал, а потоа влегол внатре и започнал да пука. По рафалната пукотница и плачот на децата повторно завладеала тишина, а полицијата набргу пристигнала на местото на настанот каде што ги забележала жртвите, меѓу кои бил и напаѓачот и оружјето.
-Бев во гаражата кога одеднаш се слушна пукотница. Бев шокиран, но бргу отрчав таму. За жал се беше готово. Ова е нешто најстрашно што сум доживеал во животот -вели Брендон Холман сосед на жртвите.
Е. Г.