Канадскиот премиер Марк Карни најави нови санкции против „руската флота во сенка“, руските приходи од трговијата со енергија, одбранбено-индустрискиот сектор и субјектите поврзани со ширењето дезинформации, објави денес прес-службата на канадската влада.
Во соопштението на канадската влада се наведува дека новозеландската компанија Maritime Mutual, која помогна во трговијата со иранска и руска нафта во вредност од десетици милијарди долари, е додадена на списокот со санкции, објави Ројтерс.
Во февруари, Обединетото Кралство ја санкционираше оваа компанија, тврдејќи дека ја поддржува руската влада со водење бизнис во сектор од стратешко значење.