Францускиот претседател Емануел Макрон објави дека е постигнат напредок во безбедносните гаранции по состанокот меѓу украинскиот и американскиот претседател Володимир Зеленски и Доналд Трамп, и дека земјите-членки на Коалицијата на волјата ќе се сретнат во Париз во јануари.
– Правиме напредок во безбедносните гаранции што ќе бидат од суштинско значење за градење праведен и траен мир“, рече Макрон во објава на социјалната мрежа X.
Францускиот претседател додаде дека учествувал во разговорите меѓу Зеленски и Трамп, заедно со неколку европски лидери.