Макрон му вети на Зеленски лесни тенкови, оклопни возила, обука на војници…

Од:

Франција вети дека ќе испрати дополнителна воена помош за Украина, вклучително и лесни тенкови и оклопни возила и ќе обезбеди обука за војниците, јавуваат странските агенции. Ова го потврдија од Елисејската палата по тричасовните разговори меѓу францускиот претседател Емануел Макрон и украинскиот претседател Володимир Зеленски, кој вчера по Германија ја посети Франција.

Посетата на Франција е дел од „европската турнеја“ на Володимир Зеленски, чија цел е да собере дополнителна воена и финансиска помош пред долгоочекуваната украинска контраофанзива.

Кабинетот на францускиот претседател Макрон објави дека Франција ќе испрати десетици лесни тенкови и оклопни возила во Украина „во следните недели“, без да прецизира конкретни бројки. Ветени се и дополнителни системи за противвоздушна одбрана, но детали не се објавени.

Во заедничката изјава, Франција ја опиша поддршката за независноста, суверенитетот и територијалниот интегритет на Украина како „непоколеблива“ и вети дека ќе продолжи со политичката, економската, хуманитарната и воената помош „се додека е потребно“.

Би можело да ве интересира

Средба на премиерот Џафери со претседателот Зеленски во Тирана: Потпишана Заедничка изјава за евроатлантските интеграции на Украина

(ВИДЕО) Пендаровски – Зеленски: Македонија како членка на НАТО ја поддржува апликацијата за членство на Украина во Алијансата

Горан Наумовски

Пендаровски: Поддршка за Украина слободно да го избере патот по кој ќе чекори во иднина

Зеленски: Украина има план за контраофанзива, невозможно е да се разговара со Путин

Зеленски за прв пат објави колку украински војници загинале во војната

Зеленски размислува да ја покани Русија на мировен самит

Горан Наумовски