Францускиот претседател Емануел Макрон, за време на разговорот со рускиот претседател Владимир Путин, му ја изразил „неговата сериозна загриженост за здравствената состојба“ на затворениот опозиционер Алексеј Навални и „почитувањето на неговите основни права“, јавија француските медиуми.
Според соопштението на Елисејската палата, За време на разговорот, францускиот претседател ја изразил и поддршката на Франција кон нејзините европски партнери по неодамнешното протерување од страна на Москва на 20 чешки дипломати и еден италијански дипломат.
Навални е затворен во казнена колонија во Русија, каде три недели штрајкуваше со глад поради тоа што затворските власти не му дозволувале да му се укаже соодветна лекарска помош.