Мадуро го отфрли предлогот на Трамп Венецуела да се откаже од изборите на Уставотворно собрание

Од:

Претседателот на Венецуела, Николас Мадуро, го отфрли повикот на својот на американски колега, Доналд Трамп, неговата земја да се откаже од планот на 30 јули да одржи избори за Уставотворно собрание, пренесоа американските медиуми.

– Ниту една странска влада не ја контролира Венецуела. Тука, во Венецуела, Венецуелците ги даваат наредбите, а не Трамп, изјави Мадуро на заседанието на Националниот совет за одбрана, органот за итни ситуации, што директно беше пренесуван на телевизија, а што тој го свика вчера како одговор на критиките на својот американски колега.

Ден претходно Трамп се закани дека САД ќе преземат непрецизирани економски дејствија против Венецуела, доколку таа одржи избори за собрание кое ќе го напише новиот Устав, со цел да се зацврсти власта на социјалистот Мадуро врз институциите, кои се надвор од негова контрола.

Претставници на американската Влада споменуваат широк круг од санкции, вклучувајќи го и ограничувањето на извозот на нафта – основниот извор на приходи за јужноамериканска држава, што е западната во сериозна криза, забележуваат американските медиуми

Министерот за надворешни работи на Венецуела, Самуел Монкада, вчера јасно порача дека неговата земја нема да се откаже од изборите за Уставотоворно собрание.

Венецуела сериозно ги преразгледува своите односи со САД, „бидејќи од никого не прифаќаме да бидеме понижувани, објасни Монкада.

Венецуела просечно дневно во САД извезува по 700.000 барели нафта, што претставува околу полоовина од нејзиниот извоз.

Би можело да ве интересира

САД и Канада ограничуваат патувања од јужноафрикански држави поради новиот сој на Ковид-19

А1он

САД чекаат дополнителни податоци пред да ги затворат границите поради новиот сој на коронавирус

А1он

Американски разурнувач вплови во Црното Море

Бил Гејтс ќе финансира експериментален нуклеарен реактор

А1он

САД со највисока стапка на инфлација во октомври од 1990 година

А1он

Растот на американската економија забави во третиот квартал

А1он