Четворица полицајци се повредени, а 29 лица се уапсени на митинг во Лондон каде илјадници демонстранти се собраа на плоштадот Трафалгар во поддршка на Палестинците кои бараат прекин на огнот во војната меѓу Израел и Хамас.
Лондонската полиција соопшти дека уапсила демонстранти за поттикнување расна омраза, насилство и напад врз полицајци. Собирот во саботата попладне беше главно мирен, но дел од демонстрантите испукаа огномет кон полицијата, при што беа повредени четворица полицајци, а вечерта дошло до судир со полицијата, објави „Гардијан“.
Повеќе од 1.300 полицајци биле на должност во областа, соопшти полицијата.