Литвански војници денеска заминаа во Украина за да ги обучуваат локалните сили за употреба на противракетни системи произведени од САД, кои балтичката држава ги обезбеди поради стравувањата од руска инвазија.
– Ние целосно ја поддржувавме, ја поддржуваме и ќе продолжиме да ја поддржуваме Украина. Оружјето и технологијата не се ништо без знаење и способност за нивно користење, па… ќе го споделиме нашето знаење и искуство, наведе началникот на литванската армија Валдемарас Рупсис во соопштение.
Вилнус и ги испорача во неделата на Украина ракетни системи со краток дострел Стингер, откако Вашингтон го одобри трансферот на американско оружје во Киев во услови на зголемени тензии.
Војниците ќе ги обучуваат своите украински колеги „во следните неколку недели“, соопштија вооружените сили на Литванија.
Извор: МИА