Заменик шефот на Одборот за надворешна политика при литванскиот Парламент, Емануелис Цингелис има намера да предложи на германската канцеларка Ангела Меркел да и се додели Нобелова награда за мир, поради нејзините напори за прекин на огнот во Украина.
Ова за еден весник од Билефелд го изјавил претседателот на Одборот за надворешна политика при Европскиот парламент, Елмар Брок, додавајќи дека ваквата идеја телефонски му ја открил токму Цингелис.
Цингелис, чија мајка го преживеала холокаустот, му се јавил на Брок и му кажал дека првпат во животот имал потреба да каже „Благодарам Германија“.