Претседателите на Русија и Украина, Владимир Путин и Володимир Зеленски, зборуваа за смртта на папата Франциск, кој силно ја критикуваше војната во Украина, осудувајќи го конфликтот како „суров и бесмислен чин на насилство“.
„Во името на Бога, ве молам – престанете со овој масакр“, рече папата Франциск во еден од неговите најмоќни апели на почетокот на конфликтот.
Владимир Путин го изрази своето „искрено сочувство“ по смртта на папата.
„Ве молиме прифатете го моето најискрено сочувство за смртта на Неговата Светост Папата Франциск“, рече Владимир Путин во пораката до кардиналот Кевин Џозеф Фарел, Камерленго на Светата римска црква.
Украинскиот претседател Володимир Зеленски изјави дека милиони ширум светот тагуваат по смртта на папата Франциск.
„Неговиот живот беше посветен на Бога, на луѓето и на Црквата. Знаеше да понуди надеж, да ги ублажи страдањата преку молитва и да поттикне единство. Се молеше за мир во Украина и за Украинците. Жалиме заедно со католиците и сите христијани кои наидоа на духовна поддршка кај папата Франциско. Вечен спомен“, напиша Зеленски на социјалната мрежа Х.