Либија му оддаде почит на церемонија во Триполи на американскиот амбасадор Кристофер Стивенс, кој беше убиен во Бенгази. На церемонијата присуствуваше американскиот заменик-државен секретар Вилијам Барнс.
При нападот во Бенгази освен амбасадорот Стивенс беа убиени уште тројца американски дипломати. Вратата на оштетениот Конзулат на САД во Бенгази беше украсена со венци, цвеќиња и натписи, со кои се осудува нападот и му се оддава почит на Стивенс.
На церемонијата присуствуваа највисоките претставници на либиските власти и претставници на акредитираните дипломатски мисии во Трипоили.
Барнс пред церемоијата разговараше со либиските лидери, меѓу кои либискиот премиер Мустафа Абу Шагур и претседателот на Парламентот Мохамед Магариф.
Министерот за надворешни работи на Либија Ашур Бин Хајал се извини во името на Либија за убиството на четворицата Американци и го означи амбасадорот Стивенс како пријател на Либија.
– Либијците и Американците се согласни дека е исклучително важно што е можно поскоро одговорните за оваа ужасна трагедија да бидат изведени пред суд и одлучни сме да работиме заедно за постигнување на таа цел, изјави Барнс.
– Тоа е заедничка загуба, ужасна трагедија. но и потсетување за тоа колку е важно да се потврди одлучноста на САД да го сторат тоа за кое Крис Стивенс вложи толку голем напор – да им помогне на Либијците да го оснознаат значењето на револуцијата и да не дозволат таа да биде искористена од екстремисти, нагласи Барнс.
Претставник на либиското Министерство за надворешни работи истакна дека Барнс и министерот за надворешни работи Бин Хајал разговарале се учеството на САД во истрагата за убиството на четворицата американски дипломати, како и за економската соработка и соработката во сферата на безбедноста.