Министерот за надворешни работи на Израел Авигдор Либерман синоќа изјави дека Израел треба да предложи економски поволности и да ги охрабри израелските Арапи да ја напуштат земјата и да продолжат да живеат во идната палестинска држава.
– Израелските Арапи кои одлучиле дека нивниот идентитет е палестински, можат да се откажат од израелското државјанство и да станат граѓани на идната палестинска држава, изјави Либерман во манифестот на неговата „Израел бејтану“ партија.
– Државата дури треба да ги охрабри тоа да го направат со помош на систем економски поволности, смета Либерман.
Израел има 1,7 милиони арапски граѓани, кои претставуваат 20 отсто од популацијата и тоа се Палестинци кои останале во земјата по создавањето на еврејската држава во 1948 година.