Претседателката на Либерија, Елен Џонсон-Сарлијф денеска апелираше двојно да ги зголемат напорите во борбата со еболата и да ја реализираат целта поставена од Владата до Божик да нема нови регистрирани пациенти.
– Си поставивме навистина тешка цел. Но, кога човек ќе си постави цел тогаш ги удвојува напорите за нејзино постигнување, истакна Џонсон-Сарлијф, на церемонијата во Монровија на пречекот на холандскиот брод за помош на настраданите од ебола.
Во либерија регистрирани се приближно 3.000 смртни случаи на ебола. Бројот на инфицирани од неодамна почна да се намалува.