Петмина екстремисти загинаа при судир со либанската армија во пограничната зона со Сирија, соопштија извори на либанските безбедносни сили.
Ова е втор ваков судир за помалку од една недела.
Загинатите се идентификувани како членови на движењето „Џебхат ан Нусра“, поврзано со Ал Каеда, кое е едно од најрадикалните исламистички групи кои се борат против сириските владини сили.
Според соопштението на воената команда, еден од убиените екстремисти бил Сириец.