Да се покаже припадност или симпатија кон ЛГБТ заедницата во Азија е повод за навреди, обиди за изолација и голем број обиди за дискриминација, кои не ги доживуваат другите „нормални“ припадници на општествата во најнаселениот континент.
Државите со своите механизми, а особено образованието, не прават ништо за да се смени негативната слика.
Ова е општиот заклучок во првата сеопфатна анализа за сексуалната дискриминација што денеска во Бангкок ја објави канцелларијата на УНДП.
Анализата ја правеле тимови на УНЕСКО и УНДП во 13 азиски држави, а ја раководеле над 100 експерти. Направени се и анализи на над 500 објавени и необјавени документи на оваа тема, како и новинарски текстови за лезбијки, хомосексуалци, бисексуалците и транссексуалците во 40 држави во регионот Азија и Пацифик.