Лавров в петок во Париз со Ле Дриан ќе го договара самитот Бајден-Путин

Од:

Шефот на руската дипломатија Сергеј Лавров в петок во Париз ќе се сретне со својот француски колега Жан-Ив Ле Дриан за да ги постават основите за самитот меѓу американскиот и рускиот претседател, Џо Бајден и Владимир Путин, соопшти руското Министерство за надворешни работи.

Лавров се согласил на средбата в петок „да се одржат подготвителни консултации за самитот, начелно договорени во неделниот телефонски разговор меѓу Путин и францускиот претседател Емануел Макрон“, се наведува во соопштението на министерството.

Макрон вчера двапати разговараше со Путин и еднаш со Бајден во обид да посредува за самитот, изјавувајќи во текот на ноќта дека двајцата „начелно“ се договориле да се сретнат.

Белата куќа соопшти дека таква средба е можна се додека Русија не ја нападне Украина. Кремљ тогаш ги нарече разговорите на самитот предвремени и без конкретни планови.

-Претседателот Путин треба да го направи својот избор дали ќе продолжи, изјави денеска портпаролот на францускиот претседател.

Извор: МИА

Би можело да ве интересира

Бела куќа: Апсолутно е невозможно САД да ја вратат Статуата на слободата во Франција

Макрон: Сега останува на Русија да докаже дека навистина сака мир

Горан Наумовски

Украина: Имаме три многу солидни црвени линии

Медиуми: САД се повлекуваат од Меѓународниот центар за злосторства против Украина

Лукашенко: Ако Белорусија треба да избере, ќе застане на страната на Русија

Русија негира дека Келог бил исфрлен од преговорите на нивно барање